Wednesday, January 25, 2012

കുറച്ചു മുതിരയും കുറേ കുതിരകളും

അമ്മൂ കഴിഞ്ഞോ??
ഇല്ല...
ടീ പെണ്ണെ മതി..
ഇല്ല ഇനിയുമുണ്ട്..
"കുറെ നേരായി നീ എന്തെടുക്കുവാ?? ഇനി നാളെയാവാം..."
അവള്‍ വരുന്ന ലക്ഷണമില്ല
ഒരേ ഇരിപ്പാണ് ടോയിലെറ്റില്‍
എല്ലാ മനുഷ്യരും കൂടുതലും ചിന്തിച്ചു കൂട്ടുന്നത്‌ കക്കൂസിന്റെ നാല് ചുവരുകള്‍ക്കുള്ളില്‍ ഇരുന്നാണ് എന്നാണ് എനിക്ക് തോന്നിയിട്ടുള്ളത്... പല കണ്ടുപിടിത്തങ്ങള്‍ക്കും വഴിത്തിരിവായത്‌ ചിലപ്പോള്‍ കക്കൂസില്‍ ഉള്ള ഈ ഇരിപ്പയിരിക്കും...
ഞാന്‍ പൊക്കിയെടുത്തു അവളെ ടാപ്പിനടിയില്‍ നിര്‍ത്തി... എന്നിട്ട് ദയനീയമായി നിഷ ചേച്ചിയെ നോക്കി...
നിഷ ചേച്ചി കിടപ്പാണ്!!
ഒരു ബൈക്ക് ടിപ്പെറില്‍ ഇടിച്ചു എന്നാണ് ആളുകള്‍ ആദ്യം കരുതിയത്‌ പിന്നീടാണ്‌ തിരിച്ചറിഞ്ഞത് ബൈക്ക് നിഷ ചേച്ചിയെ ഇടിച്ചതാണ്... കുറച്ചു ഓട്ടോക്കാര്‍ ചേര്‍ന്ന് നിഷ ചേച്ചിയെ ഹോസ്പിറ്റലില്‍ ആകി .. ഇപ്പോള്‍ പ്ലാസ്റ്റെറിട്ടു കിടപ്പാണ്...
നിഷ ചേച്ചിയുടെ വേദനയില്‍ ഒന്ന് സന്തോഷിക്കാനും സമാധാനിപ്പിക്കാനും വീട്ടില്‍ നിന്ന് ഇറങ്ങി പുറപെട്ടപ്പോള്‍ എനിക്കീ ഗതി വരുമെന്ന് ഞാന്‍ ഒരിക്കലും കരുതിയില്ല... നിഷ ചേച്ചിയുടെ രണ്ടു മക്കളെ നോക്കണം.. അതാണെന്റെ ജോലി... നന്ദു രണ്ടാം ക്ലാസ്സിലും അമ്മുനു മൂന്നു വയസ്സും... രണ്ടു അണു ബോംബുകള്‍ .. എപ്പോള്‍ പൊട്ടിത്തെറിക്കുമെന്നു ആര്‍ക്കും പറയാന്‍ കഴിയില്ല
വിധി അല്ലാതെന്താ??

ദിവസവും ഗ്ളിസറിനും റോസ് വാട്ടെറുമോക്കെയിട്ടു മിനുസപ്പെടുത്തിയ കൈകളാണ് ഇന്ന് ആ ചന്തികള്‍ക്കിടയില്‍ ... ഞാന്‍ എന്റെ കൈകളെയും അവള്‍ടെ ചന്തിയും മാറി മാറി നോക്കി...
നീ ഇപ്പൊ എന്റെ കൊച്ചിന്റെ ചന്തി കഴുകിയാല്‍ ... ഭാവിയില്‍ നിനക്ക് കൊച്ചുണ്ടാകുമ്പോള്‍ ഞാനും അതിന്റെ ചന്തി കഴുകി തരാം...നിഷ ചേച്ചി ചിരിയടക്കി പറഞ്ഞു..
ഞാന്‍ അമ്മുനെ നോക്കി... അവള്‍ ഉടുപ്പ് പൊക്കി നില്ക്കാ ...അവള്‍ടെ ആ നില്‍പ്പ് കണ്ടപ്പോള്‍ പാവം തോന്നി... അങ്ങനെ രണ്ടും കല്‍പ്പിച്ചു ഞാന്‍ അത് ചെയ്തു...
ഇങ്ങനെ പോവുകയായിരുന്നു എന്റെ ഓരോ ദിവസങ്ങളും ... കൊച്ചു ടി.വി യുടെയും മഞ്ചാടിയുടെയും ഇടയിലുള്ള ദിവസങ്ങള്‍ ... രാവിലെ ഒമ്പത് മണിക്ക് എഴുനെറ്റിരുന്ന ഞാന്‍ രാവിലെ 5 മണിക്ക് എഴുന്നേറ്റു ല ല ല ല ല ല ല ല... മഞ്ചാടി എന്റെ അലാറം ആയി മാറി...
ഉറക്കമില്ലാത്ത രണ്ടു കൊച്ചുങ്ങള്‍ !!
ഞാന്‍ രൂക്ഷമായി അവളെ നോക്കി...
"ചങ്ങാതീ ... അയാള്‍ മരിച്ചെന്നു തോന്നുന്നു ..." വല്ല്യച്ചനെ ചൂണ്ടിയാണ് അവള്‍ പറഞ്ഞത് ...
ദൈവമേ ഞാന്‍ ഓടി ചെന്നു ...
വല്ല്യച്ചനു ഒന്നും സംഭവിച്ചിട്ടില്ല!!
"ഈ കുരുത്തംകെട്ടവള്‍ .."
"അവള്‍ അങ്ങനാ ആര് ഉറങ്ങി കിടക്കുന്ന കണ്ടാലും ഇങ്ങനെ പറയും ... മഞ്ചാടി എഫ്ഫക്റ്റ്‌..."
നിഷ ചേച്ചി പറഞ്ഞു
അച്ഛനിട്ട് തന്നെ വേണം എഫെക്റ്റ് കാണിക്കാന്‍ ...ഞാന്‍ ഓര്‍ത്തു

അവള്‍ക്കു ചുറ്റും മൂത്രം തളം കെട്ടി കിടന്നു...
"നിനക്ക് മൂത്രം ഒഴിക്കാന്‍ മുട്ടുമ്പോ പറഞ്ഞുടെ..."
എവിടുന്നു അനക്കമില്ല... രണ്ടു ഉണ്ട കണ്ണുകളും സ്ക്രീനില്‍ തന്നെ
അവള്‍ടെ വിചാരം ജെട്ടി ഇടുന്നത് മൂത്രമൊഴിക്കാന്‍ ആണെന്നാണ് ...
എണീറ്റ് ഹാളില്‍ ചെന്നപ്പോള്‍ അവിടെ അതിലും മേളം ... കൊച്ചു ടി.വി ... അതിന്റെ മുന്നിലാ നന്ദു ...
പട പേടിച്ചു പന്തളത് പോയപ്പോ പന്തം കൊളുത്തി പട!!
ഇതിലും ഭേദം മഞ്ചാടിയാ ... ഞാന്‍ അമ്മുന്റെ ഒപ്പം കൂടി
കാളിംഗ് ബെല്‍ കേട്ടപ്പോള്‍ അമ്മുവാണ്‌ ഓടിചെന്നത് ...
ഇതാര് കുട്ടൂസനോ ??
ദൈവമേ പത്രകാരനോടാ അവള്‍ടെ ചോദ്യം ... അയാള്‍ ഒന്നും മിണ്ടീല ...
നിഷ ചേച്ചി ഇതുങ്ങളെ എങ്ങനെ ശ്രിഷ്ടിചെടുത്തു ... ഇവര് 1947 നു മുന്പ് ജനിച്ചിരുന്നെങ്കില്‍ ബ്രിട്ടീഷുകാര്‍ എപ്പോ നാട് വിട്ടെന്ന് ചോദിച്ചാല്‍ മതി... അത്രയ്ക്കും ഉണ്ട് രണ്ടിന്റേം കൈയ്യില്‍ ...
ഇങ്ങോട്ട് വാ എന്ന് പറഞ്ഞാല്‍ നല്ല അനുസരണയോടെ അവര്‍ അങ്ങോട്ട്‌ പോകും ...
കരുതി കൂട്ടിയാണ് അമ്മ എന്നെ ഇങ്ങോട്ട് പറഞ്ഞു വിട്ടത് ... ഇതെനിക്കൊരു ദുര്‍ഗുണ പരിഹാര പാഠശാലായാണ് ...
ഉറങ്ങിയും ടി.വി ഒക്കെ കണ്ടു അ൪മാദിച്ചിരുന്ന ഞാന്‍ ഇപ്പോള്‍ ... മഞ്ചാടി, കൊച്ചു ടി.വി , പോഗോ തുടങ്ങിയവയില്‍ ഒതുങ്ങി ... രാവും പകലും ഇല്ലാതെ എന്റെ ചെവികളില്‍ ല..ല..ല..ല മുഴങ്ങി !!

ഇതൊക്കെ പോട്ടെ... എത്രയോ ചുള്ളന്മാര്‍ എന്നെ പരിഹസിച്ചു നടന്നു നീങ്ങി... അമ്മുനേം കൊണ്ട് നന്ദുനെ വിളിക്കാന്‍ ചെന്നതാ ഞാന്‍ .. ഒരു പവയേം ബാഗുമൊക്കെ അവള്‍ കൈയ്യില്‍ എടുത്തപ്പോള്‍ ഞാന്‍ ഒന്നും പറഞ്ഞില്ല... കുട്ടികളല്ലേ... പക്ഷെ... അതിനെനിക്കു കിട്ടി... നടു റോഡ്‌ ആയപോള്‍ ആ പാവയെ അവള്‍ എന്നെ കൊണ്ട് എടുപ്പിച്ചു ... അവള്‍ടെ വാവയെ ഞാന്‍ എടുക്കണം പോലും... എസ്. എന്‍ കോളേജിലെ ചുള്ളന്‍ മാരുടെ മുന്നില്‍ ഒരു അപഹാസ്യ രൂപമായി ഞാന്‍ നിന്നു... അത്രയും ദിവസം അഹങ്കാരത്തോടെ ഒരു എറി കണ്ണൊക്കെ ഇട്ടു നടന്ന ഞാന്‍ ... ഇന്നൊരു കൂറ പാവയും പിടിച്ചു റോഡ്‌ സൈഡില്‍ .. ഈശ്വരാ ഭൂമി പിളര്‍ന്നു ഞാന്‍ താഴോട്ട് പോയിരുന്നെങ്കില്‍ എന്ന് ചിന്തിച്ചു പോയ നിമിഷം!!

എന്റെ ശിക്ഷ കാലാവധി കഴിഞ്ഞു ഞാന്‍ തിരിച്ചു പോകാനുള്ള ദിവസം അടുത്ത് വന്നു ... പക്ഷെ ... അമ്മുനേം നന്ദൂനേം വിട്ടു തിരിച്ചു പോരാന്‍ എനിക്ക് തോന്നുന്നില്ല ... അവരുടെ കുസൃതികളും വഴക്കുകളും ഒക്കെയായി ദിവസങ്ങള്‍ പോയത് ഞാന്‍ അറിഞ്ഞില്ല ... ഇതിനിടയ്ക്ക് വല്ല്യമ്മ എനിക്ക് മുന്നില്‍ പുതിയ പാചക പരീക്ഷണങ്ങളുമായി എത്തി എന്നെ ഞെട്ടിച്ചു കൊണ്ടേ ഇരുന്നു ...
ഇന്ന് നമുക്ക് മുതിര വച്ച് ഒരു കറി ഉണ്ടാക്കാം!!
വല്ല്യമ്മേടെ അടുത്ത പരീക്ഷണം
മുതിര കുതിര തിന്നുന്നതല്ലേ ... എനിക്കൊരു സംശയം
അല്ല മനുഷ്യരും തിന്നും മുതിര ആരോഗ്യത്തിന് നല്ലതാ... ഞാന്‍ വന്നത് തൊട്ടു എന്നെ നന്നാക്കി എടുക്കാന്‍ വല്ല്യമ്മ പഠിച്ച പണി പതിനെട്ടും എടുക്കുന്നുണ്ട് .. വല്ല്യമ്മ വിടുന്ന ലക്ഷണമില്ല... അങ്ങനെ മുതിര പുഴുങ്ങല്‍ പ്രക്രിയയില്‍ ഞങ്ങള്‍ മുഴുകി ... പുഴുങ്ങിയിട്ടും പുഴുങ്ങിയിട്ടും മുതിര വേവുന്നില്ല ... ആ യുദ്ധത്തില്‍ അവസാനം മുതിര തന്നെ ജയിച്ചു ... പാതി വെന്ത മുതിര വല്ല്യമ്മ ഞങ്ങള്‍ക്ക് വിളമ്പി .... എന്താണെന്നറിയില്ല നിഷ ചേച്ചി മാത്രം കഴിച്ചില്ല... ഡൈറ്റിങ് ആണെന്ന് പറഞ്ഞു ഒഴിഞ്ഞു (ഞങ്ങളെ തനിച്ചു അനുഭവിക്കാന്‍ വിടുകയാണെന്ന് ഞങ്ങള്‍ തിരിച്ചറിഞ്ഞില്ല )

ആദ്യത്തെ ലക്ഷണം കണ്ടു തുടങ്ങിയത് അമ്മുവിലാണ് ... അവള്‍ടെ വയറു പുകയുന്നത് ഞങ്ങള്‍ മണത്തറിഞ്ഞു ,,,
എന്താ അമ്മുട്ടി ഒരു മണം ??
നാന്‍ ഒരു കുച്ച്ബു വിട്ടതാ ... അവള്‍ കൊഞ്ചി
ഓടടീ കക്കൂസിലേക്ക് ...
അങ്ങനെ ഓരോരുത്തര്‍ ലണ്ടനിലേക്ക് വന്നും പോയും ഇരുന്നു... ഓരോ ഇടിമുഴക്കം കേള്‍ക്കുമ്പോഴും ഞങ്ങള്‍ പരസ്പരം പറഞ്ഞു...
മുതിരയാ മുതിര...
അവസാനം എന്റെ ടേണ്‍ ആയി... തുടക്കം ശര്ദിലില് ആയിരുന്നു ... പിന്നെ പിന്നെ ഇന്കമിങും ഔട്ട്ഗോയിങും ഫ്രീ ആയി ...
കക്കൂസില്‍ ഒരു ജാലിയന്‍ വാലാ യുദ്ധം തന്നെ നടന്നു...
വെള്ളം തീരുമ്പോ തീരുമ്പോ മോട്ടോര്‍ അടിച്ചു കൊണ്ടേ ഇരുന്നു... നിഷ ചേച്ചിയെ ഞങ്ങള്‍ അസൂയയോടെ നോക്കി...ഭാഗ്യം നിഷ ചേച്ചി തിന്നാതിരുന്നത് ...അല്ലേല്‍ കാലു വയ്യാത്ത നിഷ ചേച്ചിയെ ഞങ്ങള്‍ എന്ത് ചെയ്തേനെ... ബാക്കി ഞങ്ങള്‍ എല്ലാം വയറും തടവി നടന്നു...
നാളെ എനിക്ക് വീട്ടില്‍ പോകാനുള്ളതാ ... ഞാന്‍ ദയനീയമായി പറഞ്ഞു...
നമുക്ക് ഒരു കോര്‍ക്ക് വച്ചടയ്ക്കാം ... നിഷ ചേച്ചി പറഞ്ഞു
ഒരു കോര്‍ക്കിനും മുല്ലപ്പെഴിയാര്‍ ഡാം പൊട്ടുമ്പോള്‍ തടുക്കാനാവില്ല...
ഒരു ഗ്രൂപ്പ്‌ ആയി ഞങ്ങള്‍ ഡോക്ടറെ കാണാന്‍ പോയി ... അമ്മു തൊട്ടു വല്ല്യച്ചന്‍ വരെ ... വയര്‍ തടവിയത് കണ്ടു ഡോക്ടര്‍ ചോദിച്ചു "എന്താ പ്രത്യേകിച്ച് കഴിച്ചത്?"
ഞങ്ങള്‍ വല്ല്യമ്മയെ നോക്കി...
മുതിര!!!
വല്ല്യമ്മ മെല്ലെ പറഞ്ഞു...
ചിരിക്കണോ സഹതപിക്കണോ എന്നറിയാതെ ഡോക്ടര്‍ ഞങ്ങളെ എല്ലാവരെയും മാറി മാറി നോക്കി... അങ്ങനെ ഇഞ്ചക്ഷനും ORS ഉം ഒക്കെ ആയി ഞങ്ങള്‍ വീട്ടില്‍ തിരിച്ചെത്തി . ..മെല്ലെ മെല്ലെ ആളി കത്തല്‍ കെട്ടടങ്ങുന്നു ... ഇടയ്ക്കിടെ മുക്കലും മൂളലും മാത്രം... പല ശബ്ദങ്ങളും പലരും പുറപ്പെടുവിച്ചു ... ആരും ആരെയും കളിയാക്കീലാ . ..
മുതിരയാ മുതിരാ ...
ഞങ്ങള്‍ ഒന്നിച്ചു നെടുവീര്‍പ്പിട്ടു ...
പിറ്റെന്നു രാവിലെ എല്ലാം ശാന്തമായി ....
തിരിച്ചു പോരേണ്ട ദിവസമായി . .. സന്തോഷം കൊണ്ടും സങ്കടം കൊണ്ടും എല്ലാവരുടെയും കണ്ണ് നിറഞ്ഞു ... എനിക്ക് ട്രെയിനില്‍ ഇരുന്നു തിന്നാന്‍ ചോറെടുതപ്പോ വല്യമ്മ മെല്ലെ ചോദിച്ചു.. കുറച്ചു മുതിര കൂടി വയ്ക്കട്ടെ ...
വേണ്ടെന്നും പറഞ്ഞു തിരിഞ്ഞു നോക്കാതെ ഞാന്‍ റെയില്‍വേ സ്റ്റേഷനിലേക്കോടി.!





95 comments:

jaysu said...

എനിക്ക് ട്രെയിനില്‍ ഇരുന്നു തിന്നാന്‍ ചോറെടുതപ്പോ വല്യമ്മ മെല്ലെ ചോദിച്ചു.. കുറച്ചു മുതിര കൂടി വയ്ക്കട്ടെ .......ithiri edukkaayirunnuutooo.......kazhichittilla ini onnu kazhichu nokkanam muthira......

അബ്ദുൽ ജബ്ബാർ വട്ടപ്പൊയിൽ said...

മുതിര പുരാണം കുഴപ്പമില്ല ......................

K@nn(())raan*خلي ولي said...

ഇടയ്ക്ക് ഏഴെട്ടു ദിവസം മുങ്ങിയത് കുട്ട്യോള്‍ടെ ചന്തി കഴുകികൊടുക്കാനായിരുന്നെന്ന് ഇപ്പൊ മനസിലായി.
പോസ്റ്റ്‌ കൊള്ളാം.
അമ്മൂന്റെ ചന്തിയും പാതിവെന്ത മുതിരയും!

khaadu.. said...

പോസ്റ്റ്‌ മൊത്തത്തില്‍ ലൂസ് മോഷന്‍ ആണല്ലോ... :(

വിധു ചോപ്ര said...

ഈ അനാമികക്കുതിരക്ക് ഒരിത്തിരി കൂടുന്നുണ്ട്. കടിഞ്ഞാൺ വേണ്ടി വരുംന്നാ തോന്നണേ.

Anonymous said...

good blog..nice article publishing by you...appreciate on you...thanks for giving detail..
Toyota FJ Cruiser AC Compressor

Vp Ahmed said...

രസായിട്ടുണ്ട്.

സിയാഫ് അബ്ദുള്‍ഖാദര്‍ said...

ചിരിപ്പിച്ചു ,അനാമിക ,മുതിര കുതിരക്ക് മാത്രം കഴിക്കാന്‍ പറ്റുന്ന സാധനമാണ് ,അല്ലെ ?മനസ്സിലായല്ലോ

sunil vettom said...

മുതിര കഥ കൊള്ളാം ..പിന്നെ മുതിര നമുക്കും നല്ലത് തന്നെയാ ....കുതിരക്ക് മാത്രമല്ല ,വല്ല്യമച്ചി ഉണ്ടാക്കിയപ്പോള്‍ എന്തെങ്കിലും പോരായ്മ വന്നു കാണും ....ഒന്നു കൂടി ശ്രമിക്കൂ എന്നിട്ട് മുതിരയെ ..നമുക്ക് ബഹിഷ്കരിക്കാം !!!!

വര്‍ഷിണി* വിനോദിനി said...

ഈശ്വരാ...ഈ കുട്ടിയെ കൊണ്ട് തോറ്റു...
ഒന്ന് സീരിയസ് ആയി വായിച്ചു വരുമ്പോഴേയ്ക്കും ചിരിപ്പിയ്ക്കും..
ഇഷടായി ട്ടൊ, ആശംസകൾ...!

Manef said...

ന്നാലും ന്റെ കുട്യെ വല്യമ്മ അത്രയ്ക്ക് സ്നേഹത്തോടെ ട്രെയിനില്‍ ഇരുന്നു തിന്നാന്‍ അല്പം മുതിര കൂടി എടുക്കട്ടെന്ന് പറഞ്ഞിട്ട് നിഷ്കരുണം അത് വേണ്ടെന്ന് പറഞ്ഞു പോയത് ശരിയായില്യ. പെണ്‍കുട്യോള്‍ക്ക് ഇത്രയ്ക്കു അഹങ്കാരം പാടില്യ. അതും ഭക്ഷണത്തിന്റെ കാര്യത്തില്‍ ഇങ്ങനെ ഒക്കെ പറയാന്‍ കുട്ടിക്ക് എങ്ങനെ തോന്നി?

Harinath said...

ശരിക്കും എന്താണ്‌ സംഭവിച്ചത് ? മുതിര മനുഷൻ കഴിക്കാറുള്ളതുതന്നെയാണല്ലോ. അതോ ഇതെല്ലാം ‘പൊട്ടത്തരങ്ങൾ’ ആണെന്നുകരുതി വിട്ടുകളയണോ !

Admin said...

മുതിര കുതിരശക്തി നല്‍കുമെന്ന് പറഞ്ഞുകേട്ടിട്ടുണ്ട്. കൊള്ളാം. അനാമികാ.. മുതിരവിശേഷം.. കുതിരാശംസകള്‍..

anamika said...

@jaysu, abdul jabbar, kannooran, khaadu, vidhu chopra, sheena, vp ahamed, siyaf, sunil, varshini, manesh, harinath, sreejith
വായിച്ചതിനും അഭിപ്രായം പറഞ്ഞതിനും നന്ദി
പിന്നെ ... മുതിര നല്ലത് തന്നെയാണ് ... പക്ഷെ അത് വരുതിട്ടയിരുന്നു വേവിക്കണ്ടത് .. അത് ഞങ്ങള്‍ ചെയ്തില്ല ... പിന്നെ ഈ സീസണില്‍ മുതിര കഴിക്കാന്‍ പാടില്ലത്രെ .. ഇതെല്ലം പിന്നീട് കിട്ടിയ അറിവുകള്‍ ആണ്

വി.എ || V.A said...

തലക്കെട്ട് കണ്ടപ്പോൾ ഞാൻ വിചാരിച്ചു, ഇതൊരു സംഭവമായിരിക്കുമെന്ന്. എഴുതിയതും പറഞ്ഞതുമൊക്കെ കൊള്ളാം പക്ഷേ, വിളിച്ചുണർത്തിയിട്ട് കഞ്ഞിവെള്ളം തന്നാൽ മതിയോ? അല്പം ചോറും ഇത്തിരി തേങ്ങാപ്പൊടിയും അതിലിട്ടേയ്ക്കണമായിരുന്നു. പിന്നെ, ഇതെങ്കിൽ ഇത്......മുതിര കഴിച്ചുണ്ടായ വയറിളക്കത്തിന് ‘ഉപ്പിട്ട കഞ്ഞിവെള്ളം’ ഉത്തമമാണ്. നല്ല ഒരു ആശയരചന ഉടനേ പ്രതീക്ഷിക്കുന്നു.... ഭാവുകങ്ങൾ.....

Prabhan Krishnan said...

ക്ലൈമാക്സ്..അത്രക്കങ്ങട്...പറ്റീല്ല!
എന്തേലുമാകട്ടെ, നിഷചേച്ചിയെക്കൊണ്ട് പ്രത്യുപകാരം ചെയ്യിച്ച് പകരം വീട്ടാലോ..!
ആശംസകളോടെ...പുലരി

റോസാപ്പൂക്കള്‍ said...

അതേ ഈ മുതിര പയര് വര്‍ഗ്ങ്ങളെപ്പോലെ കുതിര്‍ത്തി കുക്കറില്‍ വേവിക്കെന്ട സാധനമാണ്.എന്നിട്ട് ഇത് പായസം വെക്കാനും കൊള്ളാം.അല്ലാതെ ആക്രാന്തം പിടിച്ചു വേവിക്കാതെ തിന്നിട്ടു മുതിരയാ മുതിര എന്നും പറഞ്ഞോണ്ടിടിരുന്നോ.

Unknown said...

ആ സൈസ് മുതിര കുറച്ച ബാക്കിയുണ്ടേല്‍ നമ്മുടെ ബ്ലോഗ്ഗെര്‍മാര്‍ക്കു ഒക്കെ ഒന്ന് ഉണ്ടാകി കൊടുക്കണേ ! ഫേസ് ബുക്ക്‌ന്ന് ഇറങ്ങാതോരും, കമന്റും നോക്കി ഇരിക്കുന്നവരും കുറച്ച നേരം റസ്റ്റ്‌ എടുകട്ടെ ...
നന്നായിട്ട് ചിരിച്ചു .. അടിപൊളി .

ജയരാജ്‌മുരുക്കുംപുഴ said...

rasakaramayittundu.... aashamsakal.....

വേണുഗോപാല്‍ said...

ഇങ്ങിനെയൊരു പറ്റു പണ്ട് എനിക്കും പറ്റിയതാ .. അതോണ്ട് രസിച്ചു വായിച്ചു ..
(എനിക്ക് ഇങ്ങിനെ പറ്റിയിട്ടുണ്ടെന്ന് ആരൂം പറയണ്ട ടോ .... ശേ .. വല്ലാത്ത മുതിര )

ആചാര്യന്‍ said...

മുതിര അത്ര കുഴപ്പക്കാരന്‍ അല്ലല്ലോ....മുതിര കറിയും കഞ്ഞിയും ഹഹഹ്

Mohiyudheen MP said...

മുതിര കഥ നന്നായി, ലൂസ് മോഷനും ചന്തികളുമെല്ലാം നീണാൽ വീഴട്ടെ... മുതിരയും ചേനയും വാഴത്തണ്ടുമെല്ലാം മിക്സ് ചെയ്ത് കൊണ്ട് ഒരു പാചക രീതിയുണ്ട്. നാട്ടിൻ പുറങളിൽ ഇപ്പോഴും കാണാം.

ഞാനൊരു കുച്ച്ബു വിട്ടതാ എതെന്താണെന്ന് മനസ്സിലായില്ല ;)

എന്തായാലും ഇനി പാതി വെന്ത മുതിര തിന്നുമ്പോൾ ശ്രദ്ധിക്കാം ..ഹിഹിഹി

mini//മിനി said...

മുതിര സംഭവം നന്നായിരിക്കുന്നു.

മേരി പെണ്ണ് said...

മുതിര കഴിച്ചു ഇത് പോലെ ഒരു അനുഭവം എനിക്കും വന്നിട്ടുണ്ട്. പക്ഷെ ഇത്രക്ക് ഭയാനകം അല്ലാരുന്നു. എനിക്ക് ചന്തി കഴുകണ്ട ഒന്നും വന്നിട്ടില്ല കേട്ടോ.. ഹ ഹ. എന്തായാലും രസായി..

viddiman said...

മുതിര പുരാണം രസിച്ചു

Arif Zain said...

ഒരു മുതിര ദുരന്തത്തിന്‍റെ സ്മരണക്കായി ഈ പോസ്റ്റ്‌ സമര്‍പ്പിക്കുന്നു എന്ന് ഒരു അടിക്കുറി നല്‍കാമായിരുന്നു.

കൊമ്പന്‍ said...

ചിരിച്ചു മുതിര തിന്നാല്‍ ഏതു കുതിരയും ഓടുമോ? കക്കൂസിലേക്ക്
ആശംസകള്‍

ഒരു കുഞ്ഞുമയിൽപീലി said...

ഹ ഹ ..അപ്പോഴും പറഞ്ഞതാ ചന്തി കഴികി കൊണ്ട് മുതിര തിന്നണ്ടാ ന്ന്.....ചിരിച്ചു ..ഇത് വായിച്ചപ്പോ ന്തോ ന്യാമിന് ഒരു ശങ്ക ..ഇപ്പൊ വരാം ട്ടോ .

Elayoden said...

എന്തായാലും കുട്ടികളുടെയും വല്യമ്മ ച്ചിയുടെയും വക കുറെ പുതിയ അനുഭവങ്ങള്‍ കിട്ടിയല്ലോ,
ഈ മുതിരയും കുതിരയും കുഴപ്പക്കാരല്ലട്ടോ, നന്നായി ഒന്ന് മെരുക്കിയാല്‍, അവ രണ്ടും ഇണങ്ങും,

ആശംസകള്‍...

രമേശ്‌ അരൂര്‍ said...

വായനക്കാരെ കക്കൂസില്‍ കയറ്റിയത് ശരിയായില്ല :)

പൈമ said...

കക്കൂസ് സാഹിത്യം... അനാമിക താഴോട്ട് പോയിരിക്കുന്നു ..

anamika said...

@വി. എ,പ്രഭന്‍ കൃഷ്ണന്‍
ഇനി നന്നാക്കാന്‍ ശ്രമിക്കുന്നതാണ്... നിരാശപ്പെടുത്താതെ നോക്കാം

@റോസാ പൂക്കള്‍
ഇനി പറഞ്ഞിട്ട് കാര്യമില്ലല്ലോ

@yunus cool
ഇനി ആരെയ്ക്കൊണ്ടെങ്കിലും ഉപദ്രവം ഉണ്ടെങ്കില്‍ എന്നോട് പറഞ്ഞ മതി... ഞാന്‍ ഒരു മുതിര കഷായം ഉണ്ടാക്കി കൊടുക്കുന്നതാണ്

@jayaraj, mini, viddiman, elayoden
വായിച്ചതിനും അഭിപ്രായം പറഞ്ഞതിനും നന്ദി.. വീണ്ടും വരണം

@വേണുഗോപാല്‍
ഞാന്‍ ആരോടും പറയില്ലേ

@ആചാര്യന്‍
നന്നായി ഉണ്ടാക്കിയാല്‍ എല്ലാം നല്ലതാ

@mohiyudheen
കുറച്ചു മുതിര പുഴുങ്ങി കഴിച്ചു നോക്ക്... അപ്പൊ ചേട്ടന് മനസിലായില്ലെങ്കിലും അടുത്തുള്ളവര്‍ മനസ്സിലാക്കും എന്താണ് കുച്ച്ബു എന്ന്

anamika said...

@മേരി പെണ്ണ്
നമ്മളെ രണ്ടാളേം മുതിര ചതിച്ചു

@arif zain
ആ ഇനി മുതിര കാണുമ്പോ എല്ലാരും എന്നെ ഓര്‍ത്താല്‍ മതി

@കൊമ്പന്‍
കൊമ്പന്‍ കഴിച്ചു നോക്ക്... അപ്പോള്‍ അറിയാം.. ഓട്ടത്തിന്റെ സ്പീഡ്

@ഒരു കുഞ്ഞു മയില്‍‌പീലി
വേഗം പോക്കോളൂ.. എന്റെ ബ്ലോഗ്‌ നാശാക്കണ്ട

@രമേശ്‌ അരൂര്‍
മുട്ടുമ്പോ വായനക്കാരെന്നോ എഴുത്തുകാരെന്നോ ഇല്ലല്ലോ

@pradeep paima
കക്കൂസ് താഴത്തു തന്നെയായിരുന്നു... അതോണ്ടാ പോയത്...

Akbar said...

പൊട്ടത്തരങ്ങള്‍ നന്നാകുന്നുണ്ട് അനാമിക.

K@nn(())raan*خلي ولي said...

@@

ബ്ലോഗില്‍ അഭിപ്രായം പറഞ്ഞവര്‍ക്കുള്ള മറുപടി കൊടുക്കുമ്പോള്‍ ഒരുപാട് താഴ്മയും വിനയവും സര്‍വോപരി ബഹുമാനവും പ്രകടിപ്പിക്കണം. സാദ്യമെങ്കില്‍ അല്പം മുതുക് കുനിക്കണം. ഒരു വാക്കില്‍ പോലും അലസാ കൊല്സാ സ്വഭാവം കാണിക്കരുത്. "തര്‍ക്കുത്തരം" എന്ന് തോന്നിക്കുന്ന രീതിയില്‍ ക മാ എന്നീ രണ്ടക്ഷരങ്ങള്‍ പറയാനേ പാടില്ല.
ഒരു മേല്‍മുണ്ട് തോളില്‍ എപ്പോഴും നല്ലതാ. വല്യ വല്യ ബ്ലോഗര്‍ കോയിത്തമ്പുരാക്കന്മാരെ കാണുമ്പോള്‍ ഓചാനിച്ചു നില്‍ക്കാന്‍ ഉപകരിക്കും. അവര്‍ക്ക് മുന്‍പില്‍ എന്നും വണങ്ങി നിന്നോളനം. ഇല്ലേല്‍ കണ്ണൂരാനെ പോലെ "അഹങ്കാരി"യും അലമ്പനും ആയി ഒടുവില്‍ ബ്ലോഗില്‍ ആലമ്പഹീനന്‍ ആയിപ്പോകും..!

ഓട്ടോ(രക്ഷ):
"സംവരണവും, സംവിധാനങ്ങളുടെയും മേലാളന്മാ‍ാരുടെയും സംരക്ഷണവും ഇല്ലാതെ ബ്ലോഗില്‍ ജീവിക്കാവില്ല"
ഗബ്രിയേല്‍ കണ്ണൂരാന്‍ മാര്‍കോസ് - ബ്ലോഗാന്ധതയുടെ നൂറു പോസ്റ്റുകള്‍ എന്ന ഗ്രന്ഥത്തില്‍ പറയാന്‍ ഉദ്ദേശിക്കുന്നത്.

**

Mohiyudheen MP said...

ഇപ്പോൾ കാര്യം മനസ്സിലായിട്ടോ ... കണ്ണൂരാന്ടെ അഭിപ്രായം ശ്രദ്ധിച്ച് കാണുമല്ലോ ?

anupama said...

പ്രിയപ്പെട്ട അനാമിക,
നര്‍മത്തില്‍ ചാലിച്ച പോസ്റ്റ്‌ കൊള്ളാം.
എനിക്ക് ഒരു പാട് ഇഷ്ടമാണ്,മുതിര. പണ്ട് തറവാട്ടില്‍ മുതിര വേവിച്ച വെള്ളം കുടിക്കാറുണ്ട്. മുതിര ആദ്യം വറക്കണം എന്ന് തോന്നുന്നു.കുക്കറില്‍ വേവിച്ചാല്‍ നന്നായി വെന്തു കിട്ടും.
ഇങ്ങിനത്തെ അനുഭവങ്ങള്‍ പിന്നെ,ജീവിതത്തില്‍ ഉപകാരപ്പെടും.അപ്പോള്‍,നിഷ ചേച്ചിക്ക് താങ്ക്സ് പറയു.
സസ്നേഹം,
അനു

kochumol(കുങ്കുമം) said...

നല്ല ചേലായി ...ഇതിനാണ് ആക്രാന്തം എന്ന് പറയുന്നത് നല്ല വേവിച്ചു ഇത്തിരി തേങ്ങയും പഞ്ചസാരയും ഒക്കെ ഇട്ടു കഴിച്ച്ചിരുന്നേല്‍ ഇപ്പൊ ഈ ഗതി വരുമായിരുന്നോ !!
അപ്പൊ പിന്നെ കക്കൂസില്‍ കിടക്കാന്‍ പറ്റൂല്ലാല്ലോ ല്ലേ !! ഇനിയെലും നല്ല വേവിച്ചു കഴിക്കൂ ട്ടോ ..അനാമികയുടെ മുതിര കഥ നന്നായി ട്ടോ ..

ശ്രീക്കുട്ടന്‍ said...

നല്ല പോസ്റ്റ്...രസകരമായിരിക്കുന്നു..അഭിനന്ദനങ്ങള്‍...

ഇസ്മയില്‍ അത്തോളി said...

ഈ മുതിരയും കുച്ച്ബുവുമൊക്കെ നമ്മുടെ ബാല്യ ജീവിതത്തിലെ ഇഷ്ട പാത്രങ്ങളായിരുന്നു.അത് കൊണ്ട് രസിച്ചു വായിച്ചു ...അസ്സലായി ....

ഷാജു അത്താണിക്കല്‍ said...

മുതിരക്ക് ഇങ്ങനെ ഒരു ഗുണം ഉണ്ടല്ലെ, ഹൊ ഈ ബൂലോകത്ത് എന്തൊക്കെ അറിവ

മാനവധ്വനി said...

“….കറി വെക്കാനറിയാത്ത ചില ജ്ന്മാന്തരങ്ങളെ ചാട്ട കൊണ്ടടിക്കണം..…” അതിനു കാച്ചിലു പുഴുങ്ങി തിന്നു ചീർത്ത തറവാട്ടിലെ വല്യ കുട്ടി വാട്ടീസ് കാച്ചിൽ എന്ന് ചോദിക്കുമ്പോൾ പരുങ്ങുന്ന വാ പിളർപ്പല്ല വേണ്ടത്…...ശുമ്മാ പറഞ്ഞതാ ഒരു നീതി വാക്യം.. പറയേണ്ടത് പറയേണ്ടപ്പോ പറഞ്ഞില്ലേങ്കിൽ ബ്ലോഗു പ്രേതം എന്നെം പിന്തുടരും…ഒരു പേടി അതാ..

പിന്നെ ഒരു ആപ്തവാക്യം കൂടി.. മുതിര അത് കൊളാസ്ട്രോളിനു നല്ലതാണ്.. അതു പുഴുങ്ങിയ വെള്ളം കുടിച്ചാൽ തന്നെ കൊളസ്ട്രോൾ കണ്ട്രോൾ ചെയ്യാൻ കഴിയും…

അപ്പോൾ കുതിരകൾക്ക് മുതിര തിന്നാം..കഴുതകൾ തിന്നേണ്ടതില്ല…മനുഷ്യരാണെങ്കിൽ തിന്നാൽ തരക്കേടില്ല…(അവലംബം കുന്ന് നികത്തി ചാത്തൂസ് വൈദ്യർ)

ബഷീർ said...

പാവം മുതിരയെ കുറ്റം പറയരുത്.. അത് ശരിയല്ല..

പോസ്റ്റ് രസകരമായി

അന്ന്യൻ said...

ആരും ആരെയും കളിയാക്കീലാ... മുതിരയാ മുതിരാ...!

മനോജ് കെ.ഭാസ്കര്‍ said...

അങ്ങനെ അനാമികയും മുതിര കഴിച്ചു...
ഇനിയൊരു കല്യാണം കൂടി കഴിക്കാട്ടോ...

മുതിരപുരാണം നന്നായി.

മിന്നു ഇക്ബാല്‍ said...

കണ്ണൂരാന്‍ കമന്റി തകര്‍ത്തിട്ടുണ്ടല്ലോ ...


(((((((അമ്മു ഉള്ളത് കൊണ്ടായിരിക്കും !!!!!!)))))

Mohiyudheen MP said...

ഞാൻ പൊട്ടത്തിയെ, സോറി പൊട്ടത്തരങ്ങളെ ഫോളോ ചെയ്യുന്നു.. അങ്ങോട്ടും ക്ഷണിക്കുന്നു...

Anonymous said...

കാണുന്ന പോസ്ടിലോക്കെ കയറി ഗോള്‍ അടിക്കാന്‍ നോക്കുന്ന ഊരാന്‍ മാരെയൊക്കെ സൂക്ഷിക്കണേ കൊച്ചെ ..ഇനി കൊച്ചിനെ ചേര്‍ത്തായിരിക്കും ആ വല്യ ഫ്ലോഗരുടെ വഴുവഴുക്കന്‍ കഥകള്‍ ബ്ലോഗില്‍ വരുക ..കുറെ കമന്റു കിട്ടാന്‍ എന്ത് എച്ചിത്തരവും കാണിക്കുന്ന കൂതറകള്‍ കയറും പൊട്ടിച്ചു നടക്കുന്ന ലോകമാണ് ഇത് .സൂക്ഷിച്ചാല്‍ പിന്നെ കരയെണ്ടി വരല്ല ..

anamika said...

@anonymous
ആരാണെന്നു പറഞ്ഞു ഉപദേശിച്ചിരുന്നേല് ഉപദേശം സ്വീകരിക്കമായിരുന്നു ഇതിപ്പോ
ഊരാന്മാര്‍ കാണിച്ച ചങ്കൂറ്റം പോലും കാണിച്ചില്ലല്ലോ

Mohamedkutty മുഹമ്മദുകുട്ടി said...

കാണ്ണൂരാന്റെ ലിങ്ക (ലിംഗമല്ല!)ത്തിലൂടെ ഇവിടെയെത്തി. ലൊക്കേഷന്‍ മുഴുവന്‍ തണ്ടാസാണല്ലോ?(കക്കൂസ്).പോരാത്തതിനു കുട്ടിയുടെ കുശ്ബുവും!.പക്ഷെ മുതിര അത്ര കുഴപ്പക്കാരനൊന്നുമല്ല. ഞാനെപ്പോഴും കഴിക്കാറുണ്ട്,പക്ഷെ വേവിച്ചാണെന്നു മാത്രം.മഞ്ചാടി കാര്‍ട്ടൂണ്‍ കാണാത്തവര്‍ക്ക് "ചങ്ങാതീ ... അയാള്‍ മരിച്ചെന്നു തോന്നുന്നു ..." എന്ന ഭാഗം മനസ്സിലാവില്ല.അതു കുരങ്ങന്മാര്‍ പറയുന്ന ഡയലോഗാണെന്നും.ഈ വഴിക്കും ഒന്നു വരണേ.

ഷാജി പരപ്പനാടൻ said...

കിടിലന്‍ പോസ്റ്റ് ..ഓരോ വരിയിലും നര്‍മ്മം കുറെ ചിരിച്ചു ട്ടോ ആശംസകള്‍

Unknown said...

മുതിര കഴിച്ചത് കൊണ്ടാണ് ഇത് പോലെ ഒരു പോസ്റ്റ്‌ കാച്ചാന്‍ കഴിഞ്ഞത് ..അതിനാല്‍ മുതിരക്കും വല്ല്യമ്മച്ചിക്കും ഒരു വലിയ നന്ദി പറയു
സംഭവം സാധാരണയാണ് എങ്കിലും അത് തുറന്നു എഴുതാന്‍ കാണിച്ച തന്റേടം സമ്മതിക്കണം

Unknown said...

ഹ്ഹ്ഹ്ഹ്ഹ്ഹ്ഹ്ഹ്ഹ്ഹ്ഹ്ഹ്ഹ്ഹ്ഹ്ഹ്ഹ്ഹ്ഹ്ഹ്ഹ്ഹ്ഹ്ഹ്ഹ്ഹ്ഹ്ഹ്ഹ്ഹ്ഹ്ഹ്ഹ്ഹ്ഹ്ഹ്ഹ്ഹ്ഹ്ഹ്ഹ്ഹ്!!!
തകര്‍ത്തു തകതകര്‍ത്തൂ,,!!!!
.

പല ‘കുറ’തമാശസാഹിത്യക്കാര്-എന്ന് അതിന്റെ സൃഷ്ടികര്‍ത്താക്കള്‍ സ്വയം പറയുന്നത്-ഇതൊക്കെ വായിച്ച് നര്‍മ്മമെന്നത് എന്താണെന്ന് മനസ്സിലാക്കേണ്ടതാണ് ;) !
.
അഭിനന്ദനങ്ങള്‍

Jefu Jailaf said...

ശോ, അഫ്ഗാനിലെ അമേരിക്കന്‍ സൈന്യത്തിന് ഈ മുതിര പുഴുങ്ങി കൊടുത്താല്‍ മതിയായിരുന്നു. ശല്യം എന്നേ തീര്‍ന്ന്നേനെ.. കൊള്ളാം രസായിട്ടുണ്ട്..

പൈമ said...
This comment has been removed by the author.
Fousia R said...

എന്തായലും വായിച്ചു. രസിച്ചു.
ഈ മുതിര തിന്നുന്ന കുതിരയുട അവസ്ഥ.
അതിനെ നോക്കുന്ന മനുഷ്യന്റെ അവസ്ഥ.
കേമമായിരിക്കും.

Admin said...

മുതിര പുരാണം

Biju Davis said...

"ദിവസവും ഗ്ളിസറിനും റോസ് വാട്ടെറുമോക്കെയിട്ടു മിനുസപ്പെടുത്തിയ കൈകളാണ് ഇന്ന് ആ ചന്തികള്‍ക്കിടയില്‍ ... ഞാന്‍ എന്റെ കൈകളെയും അവള്‍ടെ ചന്തിയും മാറി മാറി നോക്കി... "

ഹ..ഹാ.. ഞങ്ങൾക്ക് ആദ്യത്തെ മകനുണ്ടായപ്പോഴും ശ്രീമതി തുടക്കത്തിൽ ഈയൊരു മാനസികാവസ്ഥയിലായിരുന്നു. നാട്ടിൽ 90 ദിവസം അമ്മയും, വേലക്കാരിയും സഹായിച്ച്, ഖത്തറിൽ വന്നപ്പോൾ തനിയെ കഴുകിയ്ക്കേണ്ടി വന്ന ദിനങ്ങൾ ഓർത്തുപ്പോയി, അനാമിക!

നർമ്മം കലക്കി! Congratulations!

പ്രദീപ്‌ രവീന്ദ്രന്‍ said...

"തകര്‍ത്തു" എന്ന ഒറ്റവാക്കില്‍ ചുരുക്കുന്നു. നല്ല ഒഴുക്കുള്ള(ലൂസ്) നര്‍മം.

Philip Verghese 'Ariel' said...

ഹല്ലേ മുതിര വരുത്തിയ ഒരു വിനയേ!
രസ്സായി കേട്ടോ, കക്കൂസ്സ് വിശേഷങ്ങള്‍
ആദ്യ വായന ഇവിടെ.
വീണ്ടും വരാം
പോരട്ടെ വീട്ടു
വിശേഷങ്ങള്‍
സന്ദര്‍ശനത്തിനും
follow ക്കും നന്ദി

Joselet Joseph said...

ആദ്യമായാണ്‌ ഇവിടെ, 101-മനായി
തുടക്കംപോലെ ഒടുക്കം ആസ്വദിക്കാനായില്ല. ഏതായാലും ഞാന്‍ ഈ പരിസരത്തോക്കെ തന്നെ കാണും.നോക്കട്ടെ മറ്റു പോസ്റ്റുകള്‍!..

Artof Wave said...

ആരും ആരെയും കളിയാക്കീലാ . ..
മുതിരയാ മുതിരാ ...
ഞങ്ങള്‍ ഒന്നിച്ചു നെടുവീര്‍പ്പിട്ടു ...
പിറ്റെന്നു രാവിലെ എല്ലാം ശാന്തമായി ....
തിരിച്ചു പോരേണ്ട ദിവസമായി . .. സന്തോഷം കൊണ്ടും സങ്കടം കൊണ്ടും എല്ലാവരുടെയും കണ്ണ് നിറഞ്ഞു ... എനിക്ക് ട്രെയിനില്‍ ഇരുന്നു തിന്നാന്‍ ചോറെടുതപ്പോ വല്യമ്മ മെല്ലെ ചോദിച്ചു.. കുറച്ചു മുതിര കൂടി വയ്ക്കട്ടെ ...
നല്ല എഴുത്ത്,
ആശംസകള്‍

ചന്തു നായർ said...

വായിച്ചു.രസിച്ച്.എല്ലാ ഭാവുകങ്ങളും...

Echmukutty said...

വായിച്ചു വായിച്ചു.....ഇനീം പോരട്ടെ പൊട്ടത്തരങ്ങൾ........

anamika said...

@jefu jailaf
നല്ല ഐഡിയ ആയിരുന്നു...
മുതിരയുടെ ഈ ഗുണം പണ്ടേ കണ്ടു പിടിചിരുന്നെല്‍
ഒരു യുദ്ധവും ഇവിടെ ഉണ്ടാവില്ലായിരുന്നു..
കാര്‍ഗിലിലെ പാകിസ്ഥാന്‍ പട്ടാളക്കാര്‍ക്ക്...
ഒരു ഗ്ലാസ്‌ മുതിര ...
കാര്യം കുശാല്‍ !!

anamika said...

@@
വായിച്ചതിനും അഭിപ്രായം പറഞ്ഞതിനും എല്ലാവര്ക്കും നന്ദി
വീണ്ടും ഈ വഴിക്ക് വരണേ
പൊട്ടത്തരങ്ങള്‍ കേള്‍ക്കാന്‍

പട്ടേപ്പാടം റാംജി said...

അത്ര കുഴപ്പക്കാരന്‍ ആണോ മുതിര? അല്ലെന്നാണ് എനിക്ക് തോന്നിയിട്ടുള്ളത്‌. തിന്നാനും രസമാണ്. വെറുതെ ആ പാവം മുതിരയുടെ മെക്കിട്ടു കയറുന്നത് എന്തിനാ?

Njanentelokam said...

മനുഷ്യരെല്ലാം ഫാസ്റ്റ് ഫുഡിന്റെ പിന്നാലെ ഓടുന്ന ഈ കാലത്ത് മുതിര എന്ന പാരമ്പര്യ ഭക്ഷണത്തെ പ്രതിക്കൂട്ടില്‍ കയറ്റെണ്ടായിരുന്നു.

റശീദ് പുന്നശ്ശേരി said...

ഒരു കോര്‍ക്കിനും മുല്ലപ്പെഴിയാര്‍ ഡാം പൊട്ടുമ്പോള്‍ തടുക്കാനാവില്ല...

വൈകിയ വായന.
സംഭവമായി :)

TPShukooR said...

രസകരമായ വായന. എന്നാലും ആ മുതിര. വല്ലാത്തൊരു വില്ലന്‍ തന്നെ.

മണ്ടൂസന്‍ said...

നല്ല രസകരമായി കാര്യങ്ങളെല്ലാം പറഞ്ഞു. പിന്നെ എനിക്കൊരു സംശയം ഉള്ളതെന്താ ന്ന് വച്ചാൽ അമ്മൂന്റെ ചന്തിയാണോ വേവാത്ത മുതിരയാണോ ഏറ്റവും നല്ലത്.? നീ കാര്യമായി എടുത്തെങ്കിൽ ഉത്തരം താ. ഞാനിനി അധികം വളിപ്പടിക്കുന്നില്ല. ഈ അപാര സഞ്ജയൻ സാഹിത്യത്തിലെ ഹാസ്യമൊക്കെ പറയാൻ നീതുവുള്ളപ്പോൾ, ഞാൻ വളിപ്പുകൾക്ക് ശ്രമിക്കുന്നില്ല. ആശംസകൾ.

ഒരു ദുബായിക്കാരന്‍ said...

എന്നാലും എന്റെ കുതിരേ സോറി മുതിരേ.!!! മുതിര ഇങ്ങനെയും പ്രശ്നങ്ങള്‍ ഉണ്ടാക്കുമോ? ഞാന്‍ ഒക്കെ പണ്ട് പുഴുങ്ങിയ മുതിര കഴിക്കാരുണ്ടയിരുന്നല്ലോ!! .പിന്നെ കൊച്ചു ടീവിയുടെ കാര്യം പറഞ്ഞപ്പോഴാ ഒരു കാര്യം ഓര്‍ത്തത്‌..,,നാട്ടില്‍ പോയപ്പോള്‍ പിള്ളാരെല്ലാം കൊച്ചു ടീവിയുടെ മുന്‍പില്‍ തന്നെ..ഒരു തരം വൈറസ്‌ പോലെ പടര്‍ന്നു പിടിച്ചിരിക്കയാണ്‌. ...,....ഒന്ന് വാര്‍ത്ത കാണാന്‍ പോലേം സമ്മതിക്കില്ല.. എന്തായാലും പോസ്റ്റ്‌ വായിച്ചു ചിരിച്ചു പണ്ടാരമടങ്ങി.

Unknown said...

ദ്വയാര്‍ത്ഥപ്രയോഗങ്ങള്‍ നര്‍മ്മമാണ്, പ്രയോഗങ്ങളും അതിന്റെ വേദിയും അനുസരിച്ചായിരിക്കും ആസ്വാദനം.
നിലവാരം?

നര്‍മ്മം നര്‍മ്മത്തിലുപരി അതിന്റെ ലക്ഷ്യവുമനുസരിച്ചാണ് നിലവാരം നിര്‍ണ്ണയിക്കുന്നതെങ്കില്‍, എല്ലാത്തരം വിഷയത്തിലെയുംഎഴുത്തിനെ ആ അടിസ്ഥാനത്തില്‍ വിലയിരുത്തേണ്ടി വരും.

എന്നാല്‍ നിലവാരമുള്ളതെന്ന് അഭിപ്രായപ്പെടുന്നതില്‍ പലതും അത്തരത്തിലുള്ളതല്ല!

btw, Do I climb forest?

anamika said...

@നിശസുരഭി
ഒന്നും മനസിലായില്ല.. കൊള്ളില്ലെങ്കില്‍ ഒറ്റ വക്കില്‍ കൊള്ളില്ലനു പറഞ്ഞുടെ.. ഞാന്‍ ആളെ വിട്ടു തല്ലിക്കാന്‍ ഒന്നും പോണില്ല

Unknown said...

അനാമികോ‍ാ‍ാ‍ാ, പോസ്റ്റിനെപ്പറ്റിയുള്ള അഭിപ്രായം നേരത്തെ പറഞ്ഞതാ, ഹിഹിഹി.

രണ്ടാമത്തെ കമന്റ് ഞാന്‍ കാട് കയറീതാ ;) lolz :D :D

Anonymous said...

കഷ്ട്ടപ്പെട്ട് എഴുതുന്ന ബ്ലോഗുകളില്‍ കണ്നൂരാനും വേറെ ചിലരും കൂടി കുഴപ്പം സൃഷ്ട്ടിക്കുന്നത് പതിവാക്കിയിരിക്കുന്നു. ഇങ്ങനെപോയാല്‍ ബ്ലോഗില്‍ എഴുതാന്‍ ആളുകള്‍ മടിക്കുമെന്നു നിസ്സംശയം പറയാം.ഇതില്‍ നിഷാസുരഭി കാടടച്ചു വെടിവെക്കുന്നു. ആര്‍ക്കെങ്കിലും വല്ലതും മനസിലായോ ആവോ.ഇനി നിലവാരമുള്ള ബ്ലോഗുകള്‍ ഏതെന്നു ഈ കൂതരകള്‍ പറഞ്ഞു തരുമായിരിക്കും.

Unknown said...

അനോണിയേയ്..
നിഷയല്ല, നിശാ, ശശാങ്കന്റെ ശാ.. :))
..
എന്റെ രണ്ടാമത്തെ കമന്റ് വേറൊരു കമന്റിനുള്ള മറുപടിയാണ്, പോസ്റ്റിനെപ്പറ്റിയുള്ള അഭിപ്രായം ഞാന്‍ അതിനും മുമ്പേ പറഞ്ഞിട്ടുണ്ട്.

‘കൂതര’ എന്താണോ ആവോ? ഹ്ഹ്ഹി :))

anamika said...

ദൈവമേ ഞാന്‍ ഒരു പോസ്റ്റ്‌ ഇട്ടു.. അതിപ്പോ ഒന്നാം ബ്ലോഗ്‌ മഹായുദ്ധത്തിനു വഴി വയ്ക്കും എന്നാ തോന്നുന്നത്... മുതിര എടുക്കണോ ഞാന്‍ ??

മനു അഥവാ മാനസി said...

ഇതിപ്പോ ഇന്ന് ഒത്തിരി ചിരിച്ചു.നല്ല രസമുണ്ടുട്ടോ.പിന്നെ ഈ ലൈന്‍ എനിക്കൊരുപാട് പിടിച്ചു- അത്രയും ദിവസം അഹങ്കാരത്തോടെ ഒരു എറി കണ്ണൊക്കെ ഇട്ടു നടന്ന ഞാന്‍ ... ഇന്നൊരു കൂറ പാവയും പിടിച്ചു റോഡ്‌ സൈഡില്‍ .. ഈശ്വരാ ഭൂമി പിളര്‍ന്നു ഞാന്‍ താഴോട്ട് പോയിരുന്നെങ്കില്‍ എന്ന് ചിന്തിച്ചു പോയ നിമിഷം!!!, ഈ വികാരം ഞാന്‍ മനസിലാക്കുന്നു :))......

Unknown said...

വേല മനസ്സിലിരിക്കട്ടെ അനാമികാ‍ാ!!

സൊകാര്യം
ഇത്തിരി മുതിര ആ അനോണിക്ക് കൊട്ത്തോളൂന്ന്, ഞാനൊന്നും പറയൂല്ലാ!!!

മഹേഷ്‌ വിജയന്‍ said...

അവസാന ഭാഗത്തെ നര്‍മ്മം ആസ്വദിച്ചു ...
പക്ഷെ ആദ്യഭാഗം മുതല്‍ പകുതി വരെ ഒന്ന് കൂടി ആറ്റിക്കുറുക്കണമായിരുന്നു..
അക്ഷരത്തെറ്റുകള്‍ കുറഞ്ഞെങ്കിലും ഇപ്പോഴും ധാരാളം ഉണ്ട്...

-ഇരിപ്പയിരിക്കും
-ഹോസ്പിറ്റലില്‍ "ആകി"
-പ്ലാസ്റ്റെറിട്ടു
-ഇറങ്ങി "പുറപെട്ടപ്പോള്‍"
-"അമ്മുനു" മൂന്നു വയസ്സും
-റോസ് "വാട്ടെറുമോക്കെയിട്ടു"
-ഞാന്‍ "അമ്മുനെ" നോക്കി
-മണിക്ക് "എഴുനെറ്റിരുന്ന" ഞാന്‍
-പട പേടിച്ചു "പന്തളത്"
-അമ്മുവാണ്‌ "ഓടിചെന്നത്"
-എങ്ങനെ "ശ്രിഷ്ടിചെടുത്തു"
-പരിഹാര "പാഠശാലായാണ്"
-ഒരു "പവയേം" ബാഗുമൊക്കെ
-ഒരു "എറി" കണ്ണൊക്കെ
-"മുല്ലപ്പെഴിയാര്‍" ഡാം
-"പിറ്റെന്നു" രാവിലെ
-"ചോറെടുതപ്പോ" വല്യമ്മ

ഇപ്പോള്‍ ആരാധകരൊക്കെ ആയില്ലേ..ടൈപ്പാനും പഠിച്ചു...
ഇനിയെങ്കിലും ഒന്ന് നന്നായി കൂടേ..... :-)
മൊത്തത്തില്‍ നീ മെച്ചപ്പെട്ടു വരുന്നുണ്ട്....പക്ഷെ പോരാ, ഇനിയും.....

അനശ്വര said...

പൊട്ടത്തരങ്ങള്‍ വായിച്ചു..ഇവിടെ ഞാന്‍ ആദ്യമാണെന്ന് തോന്നുന്നു.മഹേഷ് വിജയന്‍ പറയുന്നു അനാമിക മെച്ചപ്പെട്ടു വരുന്നെന്ന്.. അപ്പൊ അടുത്തതില്‍ കുറച്ചൂടെ നന്നാവും എന്ന് കരുതുന്നു..അശംസകളോടെ സസ്നേഹം...

venpal(വെണ്‍പാല്‍) said...

ഒരു ലൈക്ക്

ബ്ലോഗ് മൊയലാളി said...

http://thooppukaari.blogspot.in/2012/03/blog-post.html

രഞ്ജിത്ത് കണ്ണൻകാട്ടിൽ said...

മുത്തേ തൂപ്പേ കൺഗ്രാറ്റ്സ് ഡീ.....

ഞാൻ തെറി വിളിച്ചേനെ ഇത് വായിച്ചിട്ട്.....

Muralee Mukundan , ബിലാത്തിപട്ടണം said...

തൂത്തുവാരിയ ഒരു തീറ്റെളക്കം...!

വയറിളക്കത്തിന്റെ പ്രതിവിധിയായ മുതിരയെ പ്രതിയാക്കിയുള്ള പ്രതീകം അനേകം പ്രതികരണങ്ങൾ വാങ്ങി മുന്നേറിയത് എഴുത്തുകാരിയുടെ വൈഭവം തന്നെ...!
അഭിനന്ദനങ്ങൾ കേട്ടൊ അനാമികേ

shabnaponnad said...

മുതിരവിശേഷം രസായിട്ടുണ്ട്.

Rashid said...

ഹി ഹി ഹ‌ി ഹി ഹി ഹി ... വായിച്ചു ചിരിച്ചു.. വെറുതെ ചിരിച്ചതല്ല.. എനിക്ക് സാഹിത്യബോധം 'തൂപ്പുകാരി'യുടെ അത്രക്കങ്ങട് ഇല്ല.

അടിപൊളി ആയിട്ടോ അവതരണം

K@nn(())raan*خلي ولي said...

ഇന്നിത് വീണ്ടും വായിച്ചു.
ഇത്രേം നര്‍മ്മം തുളുമ്പുന്ന ഒരു പോസ്റ്റ്‌ ഇതുവരെ വായിച്ചിട്ടില്ല.
ഇനി വായിക്കാന്‍ പോകുന്നുമില്ല.
ഇതില്‍ ചിരിക്കാനും ചിന്തിക്കാനും ഉണ്ട്.
എത്ര വായിച്ചാലും മതിവരാത്ത പോസ്റ്റ്‌!


ഇനിയും വായിക്കും. ഇനിയും കമന്റും.

ഐക്കരപ്പടിയന്‍ said...

അപ്പോള്‍ ഈ കുതിര ശക്തിക്ക് (HP) കാരണം മുതിരയാണല്ലേ....കുതിരയെ വെറുതെ തെറ്റിദ്ധരിച്ചു...!

വയറിളക്കം ഇഷ്ട്ടമാല്ലെങ്കിലും അനാമികക്ക് അത് നന്നായി ചേരും എന്ന് മനസ്സിലായി...:)

അന്യ said...

ഇതിന്റെ ആദ്യം തോട്ടൊന്നു പറഞ്ഞു തരാവോ??
പുതിയ ഒരുത്തിയാ... അതാ :(

കണ്ണൂരാന്‍ സ്വാമികളെ വണങ്ങണോ ??

Amarnath Sankar said...

ഇത്രയും വിവാദമാവാന്‍ ഇതിലെന്താ ഉള്ളത് ? !!!
" ഇങ്ങോട്ട് വാ എന്ന് പറഞ്ഞാല്‍ നല്ല അനുസരണയോടെ അവര്‍ അങ്ങോട്ട്‌ പോകും ... " ശെരിക്കും ചിരിച്ചു
ഇനിയും എഴുതുക :)

Kannur Passenger said...

ഹയ്യോഒ.. ചിരിച്ചു മറിഞ്ഞു.. കിടു ആയിട്ടുണ്ട്..
ഇടയ്ക്കെന്റെ ബ്ലോഗ്ഗിലേക്ക്‌ എത്തിനോക്കിയെക്ക്..
http://kannurpassenger.blogspot.com/

Krishnaprasad said...

kidilan!!!!

Prakashan said...

very well, wonderful, visit prakashanone.blogspot.com