Saturday, July 2, 2011

എന്റെ കഥ


ഒരുപാട് വായിക്കാന്‍ ആണ് ഈ ദിവസങ്ങള്‍ ഞാന്‍ ഉപയോഗിക്കുന്നത്.. എന്റെ ഒരു പ്രിയപ്പെട്ട കൂടുകാരന്‍ എനിക്ക് സമ്മാനിച്ച ഒരു പുസ്തകമാണ് എനിക്കിപ്പോള്‍ കൂട്ട് .. ഇംഗ്ലീഷ് പുസ്തകമാണ്.. 2 states... ചേതന്‍ ഭഗത് എന്ന എഴുത്തുകാരന്റെ പ്രത്യേകതയായി എനിക്ക് തോന്നിയത് ഒരു visual tour ആണ്.. എഴുത്തിലൂടെ അദേഹം നമ്മളെ ഒരാളുടെ ജീവിതത്തിലൂടെ യാത്ര ചെയ്യിപ്പിക്കും..എപ്പോഴും വായിക്കുന്നതിനേക്കാള്‍ എനിക്കിഷ്ടം വായിച്ച കാര്യങ്ങള്‍ ചിന്തിക്കുന്നതാ. അവരില്‍ ഒരുവളായി ആ കഥയുടെ അവസാനം വരെ ഞാനും ജീവിക്കുന്നു.. ഓരോ നോവല്‍ വായിച്ചു തീരുമ്പോഴും പലപ്പോഴും എന്റെ കണ്ണുകള്‍ നിറയും... അവസാനത്തെ പേജുകള്‍ എത്തുംതോറും എന്റെ ഹൃയദമിടിപ്പ് കൂടും.. ഒരക്കലും ഇത് അവസാനിക്കല്ലേ എന്ന് തോന്നി പോകും... നമ്മളെ മറന്നു വേറൊരാള്‍ ആയി ജീവിക്കുന്നത് ഒരു സുഖമുള്ള അവസ്ഥയാണ്... വായിക്കുമ്പോള്‍ പാട്ടു കേള്‍ക്കുന്നതും എനിക്കിഷ്ടമാണ്...2 states വായിക്കുമ്പോള്‍ ഞാന്‍ കേട്ടിരുന്നത് engeyum kaathal എന്ന തമിഴ് ചിത്രത്തിലെ പാടായിരുന്നു.. ധിമു ധിമു ധിം.. എന്ന ഗാനം... അത് കൊണ്ട് തന്നെ ആ പാട്ട് കേള്‍ക്കുമ്പോള്‍ എന്റെ മനസ്സിലൂടെ കൃഷും അനന്യയും കടന്നു വരുന്നു... ആ പാട്ടിനോട് എനിക്കൊരു വ്യ്കാരിക ബന്ധം അത് കൊണ്ട് തന്നെ തോന്നിയിരുന്നു... തികച്ചും വിരസമായ ദിവസങ്ങളാണ് കടന്നു പോകുന്നത്... ഒന്നും ചെയ്യാന്‍ ഇല്ലാതെ എന്ത് ചെയ്യണം എന്ന് ചിന്തിച്ചു കൊണ്ട് തള്ളിക്കളയുന്ന ദിവസങ്ങള്‍ ... പുസ്തകങ്ങളുമായി ഉറങ്ങി പുസ്തകങ്ങളുമായി എഴുന്നെല്‍ക്കുന്ന ദിവസങ്ങള്‍ ... ഓരോ ദിവസവും ഓരോ ജീവിതങ്ങളെ ഞാന്‍ അടുത്തറിയുന്നു...

തോന്നലുകള്‍

ഇന്നത്തെ തോന്നലുകള്‍ പലതാണ്.. ഇന്നെന്റെ മനസ്സിനെ വിശ്രമമേ ഇല്ലായിരുന്നു... ഓരോ ചിന്തകള്‍ തികട്ടി വന്നു കൊണ്ടേ ഇരുന്നു... ഒരു എഴുത്തുകാരന് എന്നും തോന്നലുകള്‍ ആണ് വേണ്ടത്... അനുഭവങ്ങള്‍... ഒരുപാടു വേദനിപ്പിക്കുന്ന അനുഭവങ്ങളാണ് എന്നും നല്ല കൃതിയായി പുറത്തു വരുന്നത് .. എന്റെ ജീവിതത്തിലെ ഒരു കാലം കഴിഞ്ഞു... പുതിയൊരു കാലത്തേക്കുള്ള ചുവടു വയ്പ്പാണ് ഇനിയുള്ള ദിവസങ്ങള്‍ ...കഴിഞ്ഞ കാലം മായാതെ മനസ്സില്‍ കിടക്കുന്നു ... എനിക്കേറ്റവും പ്രിയപെട്ടവയൊക്കെ ഇന്ന് നഷ്ടങ്ങളാണ് .. എന്തെന്നറിയില്ല.. കലുഷിതമാണ്‌ മനസ്സ്.. തീരുമാനങ്ങള്‍ എടുക്കാന്‍ കഴിയാതെ ആവുമ്പോഴുള്ള വെമ്പല്‍ ... പിന്നീടു എടുത്ത തീരുമാനം ശെരിയാണോ എന്നറിയാതെ ഒരുതരം വിങ്ങല്‍ ..